GUWAHATI | September 14, 2018:Thursday din Lakhimpur district local station laga saamne te Dhakuakhana college students khan pora protest kurishe . Etu bi class XI laga student nijor ke muraidiya nimete prinicipal pora nohoa kaam kura nimete judicial inquiry mangi ase.Etu student khan hala chila kuri thaka toh bishi diri pora chuli thakishe .Tai khan principal Jugananda Sutradhar laga khilaaf halaa kuri thakishe .Etu protest toh bondh huijaishe sub-divisional police officer Cheniram Saikia pora etu chamela te thik thak pora chanbin kuribo koikena janaidiya pichede.Thursday te police khan pora etu body toh Lakhimpur civil hospital te post-mortem nimete loi jaishe .Etu muri jaa chokra Dulen Chutia (16), Babul Chutia laga bacha Bhuma village Dhakuakhana police station, bithor te thaka toh nijor ke phasi lagaikena murai dishe tai laga ghor te .Etu student khan principal laga ghor te jamaa kurikena tai khan Dulen mura laga khobor janaishe. Sutradhar ke police khan pora bachaise Thursday morning te hoilebi student khan halaa chila kuri thaksihe.Ekta student koishe ki principal pora Dulen laga complaint huna pichede campus bithor te maiki ekta ke juka nimete tai laga office te matikena tai ke biya kotha koishe student khan laga saamne te .Sutradhar okobi mananai Dulen maaf mangikena bi aro maaf laga chiti likhishe.
November 24, 2024
World's First and Only Nagamese Newspaper
Add Comment