Suicide bomb pora five jun moraidese aro 15 jun jokhom paise

Agencies, 27 October: Khobor hesab deh, Saturaday central Afghan province, Wardak jaga laga police compound pahar deh suicide bomb putha pora five jun moraidese aro 15 jun jokhom paise. Khobor hesab deh etu bomb toh car laga pethor deh fit kori kena rakha laga ase. Hekmat Durrani pora kowah hesab deh, Maidan Shahr jaga deh morning phalli bomb howah toh province laga main city, southwest capital Kabul pora 35km (22) miles jaga deh hoise. Etu jaga deh police aro civilians khan toh base pethor deh jai thaga ase koise. Durrani pora tinta civilians aro tuita policemen morise koise.  Saturday deh hamla kon pora korise kondu group pora be janaideya nai. Hoilebe Taliban insurgents pora government logode kelaaf kori kena jai-jaa sal time deh ektum kathara pora hamla kora thakise.