New Delhi, 21 November : Shooter Mahit Sandhu Tokyo te cholti thaka 25th Summer Deaflympics te 50m Prone event te silver medal jitishe — itu hoise tai laga third medal.
Mahit finals te jabo laga road te qualification round te World Deaf Record bhi break kurise. Finals te tai 246.1 score mari kina silver medal loi dise. Czechia laga Eliska Svobodova 247.2 score loge gold jitishe, aru Hungary laga Mira Zsuzsanna Biatovszki 225.0 score loge bronze loi dise. Dusra Indian shooter Natasha Joshi finals te eighth position te finish kuri she, shoot-off pichete bahar hoi jaise.
Finals te 14 shot pichete Mahit fourth position te thaki ase. Itu pichete next dui shot te tai Ukraine laga Violeta Lykova ke par hoi bronze medal position te uthijai. 20 shot complete hua tak she bronze position te thaki ase. Pichete next series te Mahit 9.8 aru 10.2 mari dise, aru Hungarian shooter laga 9.4 aru 9.8 score karone Mahit silver position te uthi jaise. Last te Mahit 10.0 aru 10.7 mari finish kuri she, kintu Svobodova laga total score portekiba parinai, karon Czech shooter last dui shot bhi 10s te hit kurise.
Qualification round te Mahit ekta noka Deaf World Record banai dise — total six series te 619.7 score marikina. Natasha Joshi bhi finals te entry paise seventh place loge, 611.6 score mari kina.
Add Comment