Victoria, 11 June : Triple Olympic champion swimmer Summer McIntosh world record todise 200m individual medley te, Hungarian legend Katinka Hosszu laga 10 saal pura record ke todise.
2024 Paris Olympics te tinita gold medal jitithaka McIntosh, Monday din Canada trials te July-August te hobo World Championships (Singapore) karone qualify kori time 2 minute 5.70 second clock korise. Opening 100m te tai 57.99 second split korise, aru halfway point te world record pace logot 0.95 second aage thakise. Kintu breaststroke leg te thoda piche jai, aru last 50m pichite Hosszu laga record pace te 0.14 second piche thakise. Tai last 50m 29.95 second te finish kori, pura record ke todise.
McIntosh itu meet laga first tini din te already dusra bar world record todise. Saturday din tai 400m freestyle world record demolish kori 3:54.18 time te qualifiers suru korise. Sunday din tai 800m freestyle swim kori duniya laga third-fastest time record korise — keval Katie Ledecky laga top duita timing te piche.
18 saal laga Canadian swimmer agote 200m individual medley te third-fastest swimmer thakise, 2:06.56 clock kori Paris Olympics gold jitithak time. Monday laga new time logot, tai American Ariana Kukors (2:06.15, 2009 Worlds) aru Hosszu dono ke cross korise.
Paris Olympics te McIntosh tinita gold medal jitise — 200m individual medley, 200m butterfly, aru 400m medley event te.
Add Comment