SHILLONG, DECEMBER 1 : Sunday te I-League Game nemite Shillong Lajong FC aro Neroca FC 2 jun khelibole ase. Etubi Tournament eman khel khela majutte 1 bar hi chetikena 2 ta Team. Edia dak toh Shillong Lajong FC Team kan I-League table point hisabte 10 position te ahekena ase. Etubi 4 point hi gaamai kena. Aro Neroca FC toh 5 points gaamai kena 7th position te ahekena ase.
Shillong Lajong FC Team kan toh etu Tournament te ekta entertaining pora khelikena ah ease. Etubi tai kan team laga Opponent ke nahua chamala kuride kena (creating problems). Huilebi tai kan khotum hobole time te toh bhal huijai ase. Etu oporte tai kan Team Head Coach Alison Kharsyntiew porabi tai kan Team nemite Defence toh bhal te hisab kurikena saidebole kuri ase koise. Kele tai kan team laga asul chamala toh Defence nemite hi thaka pora. Kele tai kan Defence biya hua pora Goal besi khai kena ase koi kena. Etubi 14 Goal. Huilebi etu kan sob nemite tai kan hisab kuri kena thik te anedebole kuri ase koise. Aro tai kan Team nemite Goal besi dekena thaka ke khali Phranki Buam aro Naorem Singh 2 jun hi ase.
Neroca FC Team kan toh Chennai City FC logot 2-1 pora harikena ase. Aro edia toh tai kan Shillong te Shillong Lajong FC logot khelibole jabole ase koise.
Add Comment