New Delhi, August 05: Mashoor Indian singer Sunidhi Chauhan para Pakistani artist logotey kaam kora laga bari te koikina Pakistani music scene laga tarif kurisey. Ekta podcast te Sunidhi para India aro Pakistan laga majotey te thaka cultural connection lagag bari te koisey. Tai para Pakistani music ke tai khusi pa laga bari te bi share kurisey.
Tai para koisey ki tai Pakistan laga bisi talented artist logotey kaam kurisey. Aro enaka koisey, “Amike hosa bi enaka lagey ki amikhan ekey nisna asey. Amikhan laga bhasa, looks, kha-luwa aro culture bi amikhan bisi ekey asey. Jityabi ami Canada, US nohoile UK te Pakistani sathi khan ke lok korey amikhan kiman ekey asey etu clear para dikhey. Eku difference nai. Pakistani music tu hosa bi mashoor hoi asey. Kilemaney etu tu bisi morom aro dedication para banai. Taikhan laga industry tu eman joshila asey. Aro taikhan laga artist ke duniyabhor te celebrate korey, Pakistan te bi aro yatey India te bi.”
Sunidhi para Pakistani film industry tu India laga film industry nisna eman dangor nohobo parey koikina manikina koisey ki Pakistan laga music scene tu bhala sey. Tai para Coke Studio Pakistan nimitey tailaga morom jataisey. Khas kurikina Hassan Raheem aro Shazia Mansoor laga Turri Jandi gana nimitey.
Add Comment