India, 17 October : Australia laga desperate hunt jeet karoney, all-rounder Mitchell Marsh toh ekta match-winner nishina ulaishey, 52 runs off 51 balls scorw kurishey kitia tai laga team 210 runs laga target khidaishey aasani para. Marsh laga half-century toh Australia laga jeet dey bishi crucial thakishey, aro itu khel piche dey, itu all-rounder toh broadcaster logot dhuri luishey kutey taike Indian cricket legend Sunil Gavaskar para ekta sawaal hudishey. Tai laga paap Geoff logot coaching lua laga hudina, Marsh para Gavaskar ke dia laga jawaab para sob manu ke girai dishey.
“Tui laga paap para tuike inika nakhiliwoley seekhainai? Kiley kuiley tui kuria toh khali BANG, BANG, BANG hi asey,” kuishey Gavaskar. Itu jawaab dey, Marsh kuishey : “Tai laga biya strike-rates karney mui make-up kuri asey”.
“Muikhan karoney bishi bhaal din asey. Aaste shuru kuria piche dey muikhan khel dey ghusia homoi olob pressure thakina shuru kurishey, huilewi muikhan laga experienced khiladi aji uthishey. Muikhan jaishey. Mui para soul-searching asey kuina nakubo huilewi bishi hurt thakishey [South Africa khilaf haria piche dey]. Bisas asey, thik raasta dey muikhan karney stepping stone asey. Tai laga papa laga strike rate karney make up kuria asey. Aji raati mui bhaal para batting kuria nishina thakishey aro mui nijor laga agey jaishey parey.
“Taikhan toh shaanti thakishey aro taikhan para khotom kuria hisab toh bishi bhaal thakishey. Mui ekta over karney jaishey, huilewi muike girai dishey. Muikhan logot bishi options asey – three quicks, Zampa, Maxwell, Stoin aro mui nijor. Tai [Cummins] toh hotai shaant aatet asey. Tai bowl kuria laga hisab aro tai bowling podli kuria toh bishi bhaal thakishey. Inglis toh ekta fighter aset aro ekta contest khushi pai. Tai spin bhaal khiley aro tai laga skills back kurey. Agey toh, tai power aset aro bisas asey ki itu tai lamba career thakiboley shurvat asey” Marsh kuishey khel piche dey.
Add Comment