New Delhi, 6 December : Mystery spinner Sunil Narine Wednesday din history te nijor naam likhai lisse, karon tai first bowler hobo pora competitive T20 cricket te 600 wicket loijai thaka manuh bonise.
Tai itu landmark ILT20 laga match te tai laga franchise Abu Dhabi Knight Riders te Sharjah Warriorz logot kheli thaka somoi te achieve korise. Match khotom hobo pichete, Abu Dhabi Knight Riders Narine ke number 600 laga special edition jersey gift kori lisse, tai laga itu bisi dangor achievement commemorate koribo karone.
37 saal laga Trinidad pora aha itu bowler Tom Abell ke out kori milestone reach kori lisse, aru tai ekjon all-time greatest T20 bowler hobo laga status aro strongly confirm kori dise.
Narine bisi saal dhori Kolkata Knight Riders, Abu Dhabi Knight Riders, Trinbago Knight Riders aru Los Angeles Knight Riders te worldwide bisi league te represent kori ahise.
Add Comment