Sunita aro Butch keh wapas ani bole karne SpaceX mission tho Florida para launch hui shae

September 29, 2024: Saturday din deh Cape Canaveral, Florida para ekta SpaceX mission launch hui shae, tuita passengers aro tuita khali seats lokto deh, astronaut Sunita Williams aro Butch Wilmore keh wapas ani bole karne. Astronauts kan tho bishi mohina karne International Space Station deh pasi nah ase. Board deh NASA astronaut Nick Hague aro Russian cosmonaut Alexander Gorbunov ase. NASA kan choi mohina piche deh hotai crew kan keh rotate kureh. Etu karne nutun launch hua flight tho late Feburary tak wapas nahi bo. Enaka time deh deh, Sunita Williams aro Butch Wilmore tho noh mohina laka upor space deh taki nah taki bo.  NASA para Boeing laka Starliner, kuto para taikan keh ISS tak lui jai shae, etu tho wapas ahi bo karne risky ase kui nah decide kuri shae, thruster issues aro helium leaks taka karne. SpaceX, kuto billionaire Elon Musk para fund kureh, taikan hotai choi mohina piche deh regular missions kuri takeh, ISS crews laka rotation keh allow kuri bole dibo karne.