Sunjay Kapur laka ₹10,300 Crore Empire kun kun pabo? Karisma Kapoor laka bacha khan ki pabo

India, 15 June 2025: Businessman aru Sona Comstar chairman Sunjay Kapur 53 sal umr te London te polo khela time te heart attack aha karone mora jaishe, business aru film dunia duita te beshi duk phelai dishe. Taikhan laka taka dangor property kun pabo, itu loikina manu khan bishi interest loishe. Sunjay Kapur Sona Comstar company laka head takishe, jun tu duniya laka top auto component company te ekta ase. Company laka market value ase  ₹31,000 crore ($4 billion). Tai mori jabole khobor ahi jaishele, company laka share 7% giri jaishe. Kintu company ekjon statement te koishe ki business thik thak cholabo aru Sunjay Kapur laka vision continue koribo. Sunjay Kapur tinta bacha chari ase. Karisma Kapoor logot taikhan laka duita bacha – ekjon daughter Samaira (20 sal) aru ekjon son Kiaan (14 sal) ase. Tai laka third wife Priya Sachdev logot ekjon 6 sal laka son, Azarias, bhi ase. Bacha khan logot business te eku role nai. Report hisap te, Sunjay laka boini khan company management te help koribo pare. Company laka board of directors nimite olop din karone kaam samhal thakibo. Sunjay Kapur laka total property ₹10,300 crore ($1.2 billion) hisap te estimate kora ase. Tai laka maiki Priya Sachdev pora estate handle koribo. Kintu Karisma Kapoor laka bacha Samaira aru Kiaan bhi bhal pora dhori kene thakibo. Report hisap te, Sunjay taikhan ke ₹14 crore laka bonds gift korishe aru duita ke ₹10 lakh monthly income bhi arrange koridishe. Sunjay aru Karisma 2003 pora 2016 tak saadi hoi kina thakise.