Sunny Deol gussa laga emotion kushi bai

India, 13 April 2025: Actor Sunny Deol laga latest film “Jaat” ekta dangor action film ase, aru eneka laga role te tai Balbir Singh laga character play kure, jun nijor haat te manuh khan ke insaaf dibole kosis kure. Bollywood Life logot ekta interview te, Sunny Deol koise ki tai eneka role kiba karone lobo pasand kure juntu te gussa main emotion hobo, aru tai mon jai ki sob spontaneously ho ja bole. Sunny koise, “Sob emotion laga ekta jagah ase. Moi gussa hoi jetiya moi olop biya lage. Moi laga film te, moi juntu role play kure, tai bhi eneka phase te jai. Manuh khan mostly etu gussa scene he yaad rakhe, romantic scene na hoi kena.” Tai aru koise, “Ami actor khan ase aru ami juntu role play kure etu ke asli laga feeling dikhabo lage, aru moi etu pura honestly kure. Baki moi nai jane ki hobo, moi khali etu scene te bhal para kure, feel kure, aru jetiya etu feel hoi jai, tate khushi aru satisfy hoi, karon etu real lage. Moi jani jetiya moi bhal kure, kintu jetiya ekbar bhal kuri se, same kaam dobar kuri bi koile, moi napare.” “Jaat” film April 10 te theatre te release hoise. Etu film te Regina Cassandra, Randeep Hooda, Vineet Kumar Singh, Saiyami Kher, Ramya Krishnan, aru Jagapathi Babu bhi ase.