India, 08 April 2025: 1993 te release hua film “Darr” pura, actor Sunny Deol aru Shah Rukh Khan majot misunderstanding hoi jaise. Etu film pichete dujon kotha kura nai, 16 years chup thakise. Kintu etya, 30 years piche te, Sunny Deol ekta “olive branch” extend kuri se, aru mila mila kuribole laga janai dise Tai koise ke tai Shah Rukh logot ekta film kuribole mon ase.
Pinkvilla laga Masterclass program te, juntu logot Sunny Deol part luishe, tai ke ekta question hoti she: “Kuntu actor logot duita hero thaka film kuribo bisari ase?” Tai reply dise, “Moi to mon ase koribole. Moi to Shah Rukh logot ekta film kurise. Tai logot ekta aur kuribo paribo. Bhal hobo, karon etya alag time ase, to definitely bhal hobo.”
Tai aru koise, “Poila moi khan laga directors control thakise pura film opor. Aji kali laga din te directors logot etu control nathaka hoise. Stories khan bhi na ulai juntu actor khan laga image ke support kuribo pare. Etu to dangor important point ase.”
“Darr” film te Shah Rukh Khan ekta villain character play kurise, ekta obsessive stalker, juntu Sunny Deol laga character ke harass kuri thakise. Kintu film te Shah Rukh laga character ke glorify kuri dikhai dise, aru etu te Sunny Deol bishi upset hoise. Tai laga hissab te original hero to tai ase, kintu film to villain ke he highlight kuri dise. Etu karone duijon majot misunderstanding ahi jaise, aru 16 years ekjon logot kotha kura nai.
Sunny Deol, Aap ki Adalat teh koise, “Last te manu khan moi ke bhi bhal paishe, Shah Rukh ke bhi bhal paishe. Moi laga problem to etu ase, ki moi jana nai ke villain ke glorify kuribo. Moi juntu film te kaam kure, open heart aru trust logot kuri. Kintu bhal manu actor/star ase juntu trust logot kaam na kure. Maybe etu he tai khan laga stardom paana rasta hobo pare.”
Add Comment