Chennai, 19 May : Indian Premier League cricket te, Sunrisers Hyderabad Chennai Super Kings ke Chennai te five wickets logot harai dise aru playoff berth secure kuri dise.
Bat kuribole pathai pichete, Chennai Super Kings 20 overs te 180 for seven score kuri dise, kitia Kartik Sharma highest scorer hisab te 44 runs kuri dise. Hyderabad nimite, Pat Cummins three wickets loi dise, aru Sakib Hussain dui wickets loi dise.
Reply te, Sunrisers Hyderabad 19 overs te five wickets haraikena target chase kuri dise, Ishan Kishan laga 70 aru Heinrich Klaasen laga 47 runs pora help paise. Ishan Kishan ke Player of the Match declare kuri dise.
Match pichete, Sunrisers Hyderabad etiya 16 points logot ase aru ekta game in hand bhi ase, juntu playoffs nimite enough hoi jaise. Gujarat Titans bhi 16 points logot knockouts te march kuri jaise. Royal Challengers Bengaluru 18 points logot already playoffs place seal kuri dise.
Chennai Super Kings, 13 matches para 12 points logot, etiya bhi completely knockout race para ula nai. Aji, Rajasthan Royals Lucknow Super Giants logot Jaipur te 7:30 PM te khelibo.
