Super Typhoon Man-yi  pra power lines kati dishey, Philippines te tidal surges anishey

Philippines. 17 November 2024: Super Typhoon Man-yi pra ghas khan olai dishey, power lines khan girai dishey aro tidal surges anishey, aro second time ahibo leh threaten kurishey northeastern Philippine coast te – six major storm ase country te aha laka one month laka bitor te. Sunday 2pm (06:00 GMT) nishina te, Man-yi toh Aurora laka northern province te jai thakishey maximum wind 185 km/h (115mph) loi kina, national weather agency PAGASA khan laka hisap pra. Tai laka gustiness toh 255 km/h (158mph) pra olop komti hoishey 230 km/h (143mp) tak. Bishi Philippines TV outlets khan pra social media te photo khan post kura pra dikhi paishey dangor waves khan Aurora laka coast ke mari thaka laka etu lokot hawa aro dangor barish b thakishey. PAGASA pra aro warn kurishey Man-yi nishina khatarnak aro life-threatening mati laka osor te ahi ase. Man-yi toh 16^th typhoon ase Philippine te aha toh 2024 te. Saturday din rati te, etu central Philippines laka Catanduanes laka eastern island province ke marishey wind  195 km/h (125mph) lokot.