NEW DELHI: Sources koishe ke supreme court bahar te Tuesday te protest hoishe. Protest laga karan toh Monday te Chief Justice of India Ranjan Gogoi ke sex harassment inzaam para top ccourt para nirdosh koishe ke chari dishe.
Sources koishe ke maiki lawyers aro non-profit groups laga members supreme Court bahar te juma kurishe aro Tuesday din te halla kuri thakishe.
Police khan para dangor group khan juma kuribole mana kuri dishe. Police khan para central Delhi laga Lutyens’ Zone te manu khan bishi juma kuri berabole mana kuri dishe. Bishi halla kura nimite kunba protestors khan ke court te matishe.
Sources koishe ke 55 protestors khan ke geraaftar kuri dishe. Etu te bishi toh maiki lawyer aro activists khan thakishe. Monday te Gogoi toh apex court laga In House Inquiry Committee logote para clean chit paishe. Sexual harassment laga inzaam toh Supreme Court laga purana maiki employee para lagaishe.
Sources koishe ke protestors khan toh banners dhuri kena thakishe. Banner te “No clean chit” lekhi kena thakishe. Supremacy of Rule of law toh thik cholabole lage. Upni khan toh bishi ucha thakile bhi kanoon toh bishi nichete ase. Supreme court bahar te bishi maiki lawyers khan aro activists khan protest kuri thakishe. Tai khan toh Gogoi nke clean chit diya opor te biya pai kena halla kuri thakishe.
Add Comment