November 18,2020: Supreme Court para centre ke ekta regulatory mechanism olabole nimete janaishe tv te fake news khan aha toh deal kuribole nimete.
Top court para Jamaat Ulema-i-Hind para petition file kura te koikena janaishe tai khantoh affidavit central government para file kura toh Tablighi Jamaat laga member khan uporter report kura te khushi paanai.
Live Law report kurishe ki Tablighi Jamaat members khan ke media para bodnam kurishe covid 19 cases khan utha nimete etu para violence aro hate speech khan muslims uporte olai thakishe.
Chief Justice SA Bobde laga bench para Solicitor General Tushar Mehta ke koikena janaishe”akhe te apuni khan para thik thak affidavit toh file kuranai aro etu pichede apuni para ekta affidavit file kurishe kuntu toh etu duita sawal logote namileh.”
CJI para koikena janaishe “etu nimete etu toh kuribole naparibo Mr Mehta ami khan apuni laga jawab te khushi paanai.”
Court para ekta petition huni thakishe Jamaat Ulema-i-Hind para file kura toh Tablighi Jamaat gathering Nizamuddin Marcas Delhi March te luwa laga communalisation nimete.
Media laga kunba sections khan toh etu congregation logote link thakishe thousands nishena coronavirus infection nimete desh te nationwide lockdown kuntu toh March 25 te shuru kura laga initial haafta phaneh.
Relentless social media slander khan etu te hashtags #CoronaJihad. TV news channels like ABP Live khan para chula jamaat laga members khan ke “manav bomb” or human bomb mataa toh ekta sentiment thaka toh BJP leaders khan para kura toh etu te former Maharashtra chief minister Devendra Fadnavis ase.
October 8 te supreme court para centre ke koishe affidavit fill kuribole nimete aro koikena janaishe ki etu te biya reporting kura laga ekta bi instances khan nai Islamic missionary’s meeting te.
Court para Section 20 Cable Television Networks (Regulation) Act, 1995, te refer kurishe kun tu para cable television network public interest nimete operation kuribole dianai.
Live Law kuwa hisaab te Tuesday din laga hearing te CJI Bode para aro bi khushi napa dikhaishe centre laga jawab te etu bodli huwa affidavit te aro koikena janaishe etu para okobi dikhanai etu cable tv act laga applicability nimete nohoile etu para dusra regime khan dikhanai content regulation nimete.
NBSA ekta independent nine-member body News Broadcasters Association para bona toh self-regulation 24X7 news channels nimete.
Hoilebi supreme court para etu kuwa toh mananai aro centre ke regulatory mechanism olabole nimete janaishe tv laga enika content logote deal kuribole nimete.
Court para etu matter hunibole nimete tinta haafta pichede kuribole janaishe.
Add Comment