Friday din Supreme court laga senior advocate Colin Gonsalves apex court te kotha kurishe ki Meghalaya laga illegal coal mining toh bondh kurikena Guwahati laga Coal Mining depot te dibi koikena janaishe.
Meghalaya te coal mining laga petition huna time te Gonsalves para Kropha Committee report ke refer kurishe state te keeman coal ase .Etu bi National Green Tribunal (NGT) para April 2014 te coal mining bondh kurikena thaka pichede.
Etu senior advocate koishe ki coal miners khan para coal stock laga kotha kura toh thik thakanai.
Tai para koishe Coal India Limited khan para Meghalaya coal stock toh custody te rakhikena etu khan toh Guwahati laga depot te transport kuridibi koikena janaishe.
Gonsalves koishe National Green Tribunal January moina te Meghalaya sorkar khan ke illegal mining sabole naparah nimete Rs 100 crore mangishe.
NGT para ola high level committee khan para tribunal khan ke ekta report dishe etu khobor te koishe ki Meghalaya laga kunba miners khan license nathakikena kaam kuri thakishe etu bi bandh huwa pichede.
NGT khan koise etu ban dhala toh Meghalaya sorkar kan etu state te illegal mining khan rukhibole lageh aro koishe ki etu poisa toh miners aro officials khan para lobole paribo.
Tuesday din etu laga next hearing lobole ase.
Add Comment