New Delhi, February 12: Supreme Court para Wednesday din te election laga homoitey manu khan ke free saman dibole announce kora laga adat tu criticize kurisikina koisey ki manu khan free ration aro poisa pa nimitey taikhan kaam kuribole mon nathakikina thakisey.
Etu mamla tu Justices B R Gavai aro Augustine George Masih laga bench para ahisey kun seher khan te ghor nathaka manu khan ke thakibole jaga diya laga haak laga bari te ekta mamla te hearing kuri thakisey.
Justice Gavai para enaka koisey, “Biya kotha tu, enaka free para dithaka nimitey manu khan kaam kuribole mon nathaka hoi asey. Taikhan free ration pai asey. Taikhan eku kaam nukurikina poisa pai asey.”
Etu bench para enka akoisey, “Apni para taikhan nimitey enaka chinta kora tu dikhikina khusi pai asey hoilebi taikhan ke society laga mainstream laga hisa banaikina taikhan ke desh laga development te contribute kuribole diya toh hey behtar nohobo.”
Attorney General R Venkataramani para etu bench ke oisey ki Centre tu urban property alleviaton mission ke finalise kuribole laga process te thakisey, kuntu para bisi alag alag mamla ke thik kuridibo, including sher laga ghor nathaka manu khan ke thakibole jaga diya.
Etu bench para etu Attorney General ke etu urban poverty alleviation mission tu kiman homoi bhitor te applicable banabole asey etu verify kuribole koisey.
Supreme Court para etu mamla laga hearing tu 6 hapta picheyte kuribole asey.
Add Comment