New Delhi, September 27 ; Supreme Court laga Chief Justice DY Chandrachud aro dusra judges khan nimitey filmmaker Vidhu Vinod Chopra laga film ‘12th Fail’ laga ekta special screening organise kurisiley. Etu film laga screening tu Wednesday te kurisiley kuntu ke CJI, judges aro Supreme Court laga 600 opor official aro taikhan laga parivar para attend kurisey. Etu picheyte Justice Chandrachud aro Vidhu Vinod Chopra aro etu film laga lead actor Vikrant Massey aro Medha Shankar laga majotey baat-chit hoisey. Etu film laga special screening kora homoitey, etu film laga team laga alava etu film kun laga kahani te banaisey, IPS officer Manoj Kumar Sharma aro tailaga maiki Shraddha Joshi bi etu baat-chit te shamil thakisey. Etu special screening laga homoitey, Chief Justice para Vidhu Vinod Chopra laga tarif kurikina koisey ki Vidhu Vinod Chopra para on-screen tea sol jibon laga kahani ana tu tarif kuribole laga layak asey. Tai para etu bi koisey ki Vikrant aro Medha duijun para bisi bhal kaam kurisey. Aro koisey ki etu film te enaka moments bi thakisey kotey tailaga suku tu pani para bhorta hoikina taikey handkerchief laga jarurat thakisey. Etu film para hope laga ekta kara message disey. Tai para Supreme Court laga pura staff aro colleague laga taraf para ‘12th Fail’ laga team ke taikhan logotey evening bita nimitey dhanyabad disey.
Supreme Court te “12th Fail” laga special screening rakhisiley
Add Comment