New Delhi, August 09 : Friday din te Supreme Court laga CJI aro dusra judge khan nimitey Kiran Rao laga latest direct kora film ‘Laapata Ladies’ laga ekta special screening organise kurisiley. Supreme Court laga campus te Aamir Khan aha laga video internet te olaikina asey. Supreme Court laga judge khan logotey, taikhan laga miki khan aro registry official khan ke bi etu special screening nimitey invite kurisey. Etu film laga director, Kiran Rao bi etu event te mojud thakisey. Etu screening tu Supreme Court Administrative Building Complex laga auditorium te hoisey..
Sobsey latest update pa hisap te, Aamir Khan tu Laapataa Ladies laga screening attend kora picheyte Supreme Court para jaijaisey.
Schedule laga hisap te, enaka thakisey ki India laga Chief Justice DY Chandrachud etu court laga judge khan tu taikhan laga maiki logotey etu movie laga screening logotey pungchibo. Etu film tu 4:15pm para 6:20pm tak dikhabo. Aro etu movie nimitey Registry laga official khan ke bi invite kurisey.
Supreme Court of India bana laga 75th saalgirah laga homoitey activity organise kora laga his ate , Laapata Ladies, kuntu toh gender equality(matlab mota-maiki ke ekey somman suluk kora) laga bari te asey, etu tu Friday, 9August 2024 te Administrative Building Complex laga C-block, Auditorium te dikhaisey.
Etu film ke Jio Studios para present kurisey, Kiran Rao para direct kurisey aro Aamir Khan aro Jyoti Deshpande para produce kurisey.
Add Comment