Surat hospital te jui para 4 jun morishe

Surat: Surat te Station rasta osor Ayush Hospital laga intensive care unit (ICU) te jui olaikena 15 Covid bemar manuh khan dosura hospital te loikena jaishe koishe. Hoilebi, 4 jun pithor te maiki manuh ek jun toh hospital para loikena jowa beche morishe. Fire department officials laga khobor hesab te, “jui toh ICU te air-conditioner te spark ola nemite thakishe’ aro etu Lal Darwaja laga 5^th floor te hoishe. Sob melaikena 15 bemar manuh elaj loi thaka samai 4 jun toh ventilator te thakishe, koikena Chief fire officer Basant Pareek para koishe. “ami khan laga teams para bemar manuh ke othaishe aro dosura team para jui toh bondh kori thakishe. Jui laga tonga para jaga toh purta hoishe. Bemari manuh khan ke neji te anishe aro ambulance para loikena dosura hospital te loikena jaishe, hoilebi etu samai konuba manuh toh morishe. Officials khan para koishe ke, 15 bemar manuh thaka pithor te 6 jun ke SMIMER hospital te loikena jaishe aro 7 jun bemar manuh ke Sanjeevani Hospital te loi jaishe aro tui(2) jun ke SIMS Hospital te loi jaishe koishe. SMC laga health commissioner, Dr Ashish Naik para koishe ke, “ bemari ek jun toh SMIMER Hospital te morishe aro dosura tin(3) jun toh private hospital te morishe. Etu bemar manuh khan sob toh ventilator te thakishe. Baki 4 jun manuh SMIMER te admitted hoikena thaka pithor te tin(3) jun toh BiPAP te ase aro 1 jun toh ventilator te ase,” koikena khobor toh janaishe.