Mumbai, 19 May : South laga famous actor Suriya ek piche ek nijan film loi ahi thakise. Last year tai ekta dangor budget film Kanguva te dekha dise, aru etu mahina te Retro namor film te dekha dise. Retro film Karthik Subbaraj direct korise aru lead role te Pooja Hegde ase. National award-winning actor Suriya ahibole bisi project te kaam kori thakise. Ekta speculation bhi ase tai laga next film Suriya 45 laga title ke niye. Aru tai laga next confirmed project Suriya 46 Monday din launch korise.
Suriya 46 laga shooting Hyderabad te ekta dangor puja ceremony logot start hoise. Traditional puja logot etu film officially shooting suru korise. Etu upcoming film Venky Atluri direct koribo, aru director Trivikram Muhurta Puja te chief guest hisebe attend kori first clap dise shooting start koribo nimite.
Etu film te Mamita Baiju lead actress hobo. Tai logot Bollywood star Raveena Tandon aru actress Radhika Sarathkumar bhi important role te dekha dibo. Shooting 30 May pora shuru hobo.
Dusra side te Suriya 45 laga title ke niye bhi speculation choltise. Report hisab te, etu film laga naam Vettai Karuppu hobo pare. Fans bhi etu niye curious ase, kintu official confirmation ahibo laga ase.
Suriya aru film laga cast etu project ke loike dangor expectation thakise, karon bar bar release thaka babjuth tai next big hit bisari thakise. Tai laga latest release Retro critically acclaimed aru production cost recover korile bhi superhit buli koi nuwa jai. Aru Kanguva box office te underwhelming performance disey. Etu karone Suriya aru fans Suriya 45 pora dangor asha rakhi ase.
Add Comment