Surya Charishma Tamiri toh Tanvi Patri logo te khelebole ase final te

Vijayawada, December 28, 2025: Local maiki Surya Charishma Tanmiri tai laga dream extend kureshe, 21-18, 18-21, 21-9 para Rakshitha Sree Santhosh Ramraj ke harai kena, maiki khan laga semi finals te, 87^th senior national badminton championships te. Tai Tanvi Patri kun 14 sal ase, tai logo te final te khele bole ase, Tanvi Patri semi final te 31 sal Shruti Mundada ke harai she 18-21, 21-12, 21-15 points para. Tanvi para Pre- quarterfinals te 10^th seed Devika Sihag ke harai deshe, 21-11, 10-21, 21-10 para. Surya Charishna para dunia laga number 45 Rakshita Sree ke harai she quarter finals te. Mota khan laga singles semifinals te 2024 Odisha Masters laga winner Rithvik Sanjeevi S para Kiran George ke harai she 21-16, 17-21, 22-20 para. Match toh one hour aro eight minutes karne khele she. Tai etia toh Bharat Raghav logo te khele bole ase mens single finals te.