February 6, 2026: India laga batter Vaibhav Suryavanshi para 175 run mare she 80 balls te, U19 World Cup final te England logo te khelea homoi. Tai 15 six mare she aro 15 four mare she. Tai laga first 24 balls te tai 24 runs polai she, mane alak 151 runs toh 56 balls te hoi she.
Suryavanshi toh 126 minute karne khele she, tai ke England laga Manny Lumsden para out kure de she 26th over te. Suryavanshi toh sob se jawan khelare ase kun century mare she T20 te, utu macth te tai 35 ball te 100 runs mare she. Aro tai IPL te second fastest century banai kena ase, tai laga ahge te Chris Gayle ase.
Tai July 2025 te, tai sob se fastest recorded century mare she, youth ODI te, tai 143 run polai she 78 balls te, India para England ke harea match te 55 runs para, Worcester te. Tai 52 balls lage she 100 punche bole, Kamran Ghulam laga 53 balls record bhangai de kena. Aro char moina piche. Tai 32 ball century mare she India khan United Arab Emirates khan logo te khelea homoi, Asia Cup Rising Stars T20 match te.
Add Comment