July 23, 2020. 13 saal umer bacha, late actor Sushant Singh Rajput laga fan thakishe, tai tuh actor mora oper te mon dhuk thaki-kena Wednesday rati Chhattisgarh desh laga Durg district te suicide kurikena morishe. Thursday phur te tai mora tuh police para janai thishe. Etu 13 umer bacha tuh Class VII student ase aro tai tuh late actor laga tangor fan ase koikena ghor manuh para kowah police khan para khobor thishe. Police para koishe ke, etu maiki bacha tuh suicide kora samay ghor te tai ekla thakishe. Police para koishe ke, “ketai ama/baba ghor te wabaz ahishe, ghor laga ddor tuh pithor parra bondh thakishe. Tai laga baba beche para ghor pithor te jaishe, etu samay bacha tuh ceiling te hang kurikena thakishe”. “ami khan para suicide note be paishe, aro bacha para lekikena thaka tuh actor Sushant etu duniyaa para jai-jaa nemite tai be jaan loiase koikena, Police para koishe. Police aro koishe ke, etu laga case tuh angels sob para investigate kuriase aro maiki para leka tuh tai laga handwriting hoi naa nahoi sai ase koishe. Mora bacha laga baba para local media logot koishe ke, tai bacha tuh late actor laga fan thakishe aro tai mora nemite besi mon dhuk thakishe, aro tai naroki- kena Sushant laga videos aro movies khan besi sai thakishe koishe. Etu oper te case registered kurikena tai bacha laga dead body tuh postmortem nemite botaishe.
Add Comment