New Delhi, 23 October : Sushant Singh Rajput laga death piche tak lagbhag paanch saal hoi jaise, aru March 2025 te Central Bureau of Investigation (CBI) tai laga closure report file kuri dise Patna court te, juntu te ta former girlfriend, actor Rhea Chakraborty ke clean chit dise.
CBI para duita case te closure report submit kuri dise — ekta Sushant laga family pora Patna te file kora case Rhea aru tai laga family uporte (abetment of suicide karone), aru dusra counter case jun Rhea pora file kora thakise Mumbai court te Sushant laga sister aru family uporte.
Sushant aru Rhea April 2018 pora June 2020 tak live-in relationship te thakise. Sushant laga request te, tai laga manager dujon laga Europe trip karone October 2019 te ticket book kuri dise.
Sushant itu time te Rhea ke nijor “family laga ek hissa” hisab te introduce kuri thakise. Tai laga roommate Siddharth Pithani ke bhi Sushant koi dise ki Rhea “family laga part ase,” etu karone tai uporte khorcha kora sob “cheating” hisab te Section 420 IPC te count nakoribo. Investigation te bhi confirm hoi jaise ki Rhea ke kunbi movable assets transfer kurianai.
CBI laga report te aru mention kori ase ki Rhea aru ta laga family pora Sushant ke suicide kuribo karone provoke, threaten, kimanbi emotional pressure diya evidence nai.
Patna court itu CBI laga closure report uporte hearing rakhibo December 20 te.
Add Comment