New Delhi. July 30, 2020. BJP Rajya Sabha MP Subramanian Swamy laga tangor bhapana ase ke, actor Sushant Singh Rajput tuh “morai deya” ase. Thursday din, Swamy para Twitter te jaikena tai laga kotha tuh document para support thishe. “keli ami laga bhapana te Sushanth Singh Rajput ke morai desi”, Swamy para document te 26 points thakina noksa logot koishe. Document hesab te, Sushant laga kola te mark tuh suicide kura nahoi hoilebi manuh para morai deya ase. Documents para aro koishe ke, suicide samay hang kurile, manuh para tuh tai nejor thin neche te table thaka tuh hatabole laga. Documents para aro kowah tuh tai laga body te marks thaka uh “mara” neshina ase. Swamy para Bihar Chief Minister Nitish Kumar logot kotha koikena tai para etu case nemite CBI inquiry thiboli koishe. Swamy para aro koishe ke, “Mumbai laga Movie Mafia te maiki actress logot poisa thikena murder case tuh quarrel case hoishe(Lafhda in Mumbai Hindi) 15 cores nemite kura ase. Etu maiki para M3 nemite sacrifice kurikena case tuh botli kuriboli asan ase koishe. Sushant Singh Rajput tuh tai laga ghor Bandra, Mumbai te June 14 darik te morikena thakishe. Post mortem hesab te actor tuh suicide kura ase koishe. Police khan para etai dak case tuh investigate kuriase koishe.
Add Comment