Agencies, 27 May: June 2020 toh deshe aro pura duniyan te ashrut howa thakise kelay koile actor Sushant Singh Rajput toh tai laga Mumbai apartment te mori kena powa nemite. Tai laga first death anniversary nemite khali ek din he bachise aro tai family ke memories bhorta hoise.
Late actor laga family toh monndukh te ase aro tai laga bhoni Shweta Singh Kirti para social media te ekta special note share korise. Tai toh pura moina nemite ekala pahar jaga (mountains) te jabo koise. Etu ekala nahoi kena tai para be sob ke Buddha Purnima laga occasion te wish korise aro jaanishe tai laga bhai laga sweet memories te kushi manabole. Etu be internet aro cell services nathaki kena.
Tai laga physical gao jowa sal charishe koilebe tai laga values toh etiya be jinda ase koise.
Jowa sal actor toh tai lag room te hanged hoi kena powa thakise. Mumbai Police para suru investigation te tai toh suicide para morise koise aro Cooper Hospital para tai mora toh hanged kora nemite sash lobole napari kena morise koise. Sushant laga baba KK Singh para ekta complaint toh Rhea Chakraborty, tai laga family members aro tusara khan kelaaf te file kora thakise aro tai suicide howa toh tai khan nemite ase koise. Actress aro tai laga bhai Showik toh jai te jaa thakise hoilebe etu bechite drug case te ola thakise. Sushant laga death case toh aji kali CBI, ED aro NCB team para shai ase.
Add Comment