Agencies, 31 May: Sushant Singh Rajput mora laga case te aro gara howa nesana ase. Etu sob howa toh Hyderabad te NCB para actor laga flatmate Siddharth Pithani ke thura bechite ase. Aro etiya late actor laga pura khor te kaam koribole rakha -Neeraj aro Keshav ke Narcotics Control Bureau para Sunday te matishe. Etu mata toh drugs case te melikena actor mora opor te hota hoti koribole nemite matishe.
May 26 te, NCB Mumbai unit para Sushant Singh Rajput’s flatmate Siddharth Pithani ke Hyderabad para arrest howa thakise aro ekta local court para transit warrant powa bechite tai ke Mumbai te anishe. Pithani ke toh NDPS Act, 1985 laga besi sections pithor te book korise.
Tai ke thura bechite, Mumbai te ekta Chief Metropolitan Magistrate (CMM) court para Friday te Pithani toh Narcotics Control Bureau (NCB) custody te June 1 tak rakhibole remand korise. NCB para actor mora te drugs case te mela laga investigation suru kora toh Enforcement Directorate (ED) para official communication powa bechite ase. Etu te alak alak chats toh drug consumption, procurement, usage aro transportation te mela te thakise.
Jowa sal July 31 te ED para late actor mora case te Enforcement Case Information Report register kora thakise. Etu toh actor laga baba KK Singh para actor Rhea Chakraborty kelaaf Bihar te First Information Report (FIR) toh July 28 te file kora bechite thakise.
Najani kena thaka khan nemite, Sushant Singh Rajput toh jowa sal June 14 te tai laga Mumbai residence te morikena powa thakise.
Add Comment