Agencies, 12 April: Sushil Chandra toh India laga notun Chief Election Commissioner hobole pura daiyar te ase. Sushil Chandra ke toh notun Chief Election Commissioner of India hisab te junishe.
Tai toh Tuesday te charge lobo aro May 14, 2022 te retire nahowa agae olop deri kaam koribo.
Chandra ke toh February 2019 te Election Commissioner nemite juna thakise. Tai toh India laga Chief Election Commissioner nemite Sunil Arora para putli howa thakise.
Tai office te thaka samai, tai para five states- Uttar Pradesh, Punjab, Goa, Uttarakhand aro Manipur te elections lobole nemite zamidari lowa thakibo.
Sushil Chandra toh poila Central Board of Direct Taxes (CBDT) laga Chairman nemite kaam kora thakise.
Goa, Manipur, Uttarakhand aro Punjab te assemblies term toh aha sal March te alak alak direk te kothom hobole ase.
Add Comment