July 9, 2024: Suspected Yemen Houthi rebels para Gulf of Aden deh taka ekta ship keh target kuri shae, Tuesday din deh. Etu hamla tho group laka sobse latest assault ase, crucial maritime trade rasta deh.
Ship laka captain para vessel laka osor deh explosion kan report kuri shae. Vessel tho Nishtun, Yemen laka coast deh ase, kuto country laka border osor deh ase, British military laka United Kongdom Maritime Trade operations centre para kui shae. Ship, kun laka nam aro flag tho release hua nai, para crew kan sob safe ase kui shae, UKMTO para eklta warning deh kui shae, mariners kan keh.
Explosion tho waterway laka sobse dur jaka phale hui shae, etu jaka tho agae deh rebels para target kuri shae, centre para kui shae. Taikan para explosion tho kinaka hui shae, etu tho kwa nai. Houthis kan drones aro missiles kan target kuri bole chui kui nah mukan jani ase. Etu heh nahoi nah bomb drua drones boats kan b chulai.
Houthis kan itia b comment kura nai, etu report deh. Hoile b taikan hamla kuri shae kui nah kobo leh, kanta nahoileh bishi din b laki bo pareh. Sobse puila Houthi hamla tho June 28 din deh taki shae.
Add Comment