Sustainable Energy Ke Empower Kuri Kena, Duncan Bosti Council Para Solar Street Light Khan Install Kurishey

March 31, 2025, 05:48 PM: Duncan Bosti Council para solar street light khan install kurishey, Tajen Road & NH 36 Duncan Bosti Area tey, Dimapur laga.

Council para itu Solar light khan install kuria shuru kura toh March 24^th para kuria laga thakishey. 

Tatey pura puri 17 solar street light khan install kurishey.

Solar Street Light khan toh hoiley ₹1.3 Lakh daam laga thakishey, aru install kuria laga aru labour laga charge khan milailey, ₹2.55 Lakh tak daam laga thakishey, koishey.

Itu Solor Light khan toh hoiley itu 75^th Anniversary Celebration laga bachi kena thaka amount para ulai kena chulawa laga thakishey koishey. Tatey eku extra poisa khan collect kuria nai, tatey laga manu khan para.

Chairman para aru bhi eneka street light khan lagi thaka laga stress kurishey. Tai para koishey, eneka hoilebi financial para napuncha para aru bhi install kuriboley mon thakilebi napara hoi jai kena asey.

Itu Solar Street Light khan toh 75^th Anniversary Celebration ke commemorate kuri kena install kuria laga thakishey, Duncan Bosti laga, DBC laga Chairman para koishey.

Duncan bosti toh hoiley ekta strategic landmark asey, Tajen Ao Road, NH-36 & DC Office ke connect kuri kena.

Chairman para CCTV camera khan lagi thaka laga highlight kurishey. Tai para concerned Department khan ke urge kurishey, install kuriboley nimitey.

Council Chairman para colony resident khan ke appreciate kurishey, cooperation aru support nimitey.