Agencies, 11 August: World No.32 Svetlana Kuznetsova toh coronavirus pandemic nemide etu sal laga US Open para olaija sobse notun tennis star hoise.
Aji kali US Open toh shaa manu nathakikena August 31 para olob scheduled ase. Aro etu agae August 22 direk Cincinnati Open toh Flushing Meadows te lobole ase. Hoilebe desh te COVID-19 cases otha nemide tennis stars toh tournament te hesha lobole opor te bhoi kori ase.
Kuznetsova, a 2004 US Open winner, took to social media to announce her decision to not take part in the event.
2004 US Open te jeta manu, Kuznetsova para social media te tai event te hesha nalobole opor te janaishe. Tai para Instagram post te lekha te koise, tai toh ektum mondukh ase kelay koile tai toh etu tournament nemide ektum deri rokhi thaka nemide. Hoilebe pandemic karni para sob plans toh putli kori deshe koise. World No. 1 Ashleigh Barty toh first ase tournament te hesha nalobole olaija. Etu bechide besi tennis khelari khan be tai laga bechae-bechae tournament te hesha nalobole junishe.
Jowa hapta No.5 Elina Svitolina aro No.7 Kiki Bertens para be etu sal New York te najabo karni fesla kora thakise.
Svitolina para social meida te tai fesla kora janaishe. Tai para twitter post te tai US Open 2020 te nakhelibole fesla lowa toh sobse chese te shaa bechide lowa laga ase koise. Tai para be USTA, organizers aro WTA ke dhandyaabad korise kelay koile khelibole nemide chance deya karni aro fans ke be etu dangor event sabole chance nemide dhandyaabad korise.
Tai para be etu event toh phal para lobo nemide organiser para kosish kora opor te bucha aro samaan kora koise. Hoilebe tai para tai aro tai laga team ke Khatara te rakhikena US te jabole thek nahowa bhabona ase koise.
Bertens para be jowa hapta Istagram post te Cincinnati aro US Open te hesha nalobole janaideya thakise.
Add Comment