June 03, 2026, 7:00 PM: “Swachh Gaon, Surakshit Jalvayu” campaign laga observation shuru hoishey 1st June para 5th June, 2026 tak, bosti laga functionary khan nimitey, kuntu toh hoiley, itu PHED, Rural Division Dimapur para organize kuria laga thakishey.
Itu campaign laga day 1 nimitey, Gram Panchayat khan aru Lead Facilitator khan laga Sensitization, SWM Rules, 2026 opor tey aru itu Supreme Court laga order opor tey”, kuri jawa laga thakishey, charta block khan nimitey – Dhansiripar, Kuhuboto, Medziphema aru Niuland nimitey. Itu participant khan ke itu 4 tarika laga segregation comply kuriboley koishey, itu notun SWM rules 2026 under tey, ‘single use plastic’ khan chulawa komti kuriboley, letra jabra khan julawa kuria toh rukhaboley aru community khan ke mobilize kuriboley saaf safai, thik thak laga operation aru maintenance ensure kuriboley SWM asset khan laga, tai khan laga bosti tey.
Active participation thaka laga dikhi paishey, itu bosti manu khan para, itu event tey attend kuri kena, aru gaas laga sapling khan bhi distribute kurishey, itu participant khan ke, itu World Environment Day commemorate kuriboley, tai khan laga respective bosti khan tey. 5th June, 2026 tey.
