Tuensang, 14 August 2025: Har Ghar Swachhata Dialogue & Awareness Day Longkhim, Tuensang te 13th August te GHSS auditorium te organise korishe, PHED Kohima pora sponsor aru WSSO, PHED Tuensang Division pora organise korishe.
Special invitee EAC Longkhim, S. Chingmei, keynote address te koishe ki Har Ghar Swachhata programme 8th August te start korishe aru 15th August te 79th India Independence Day celebration te khotom hobo.
Taikhan koishe ke programme tu sanitation drive, public awareness aru tri-colour pledge laka madhyam te desh bharot hygiene, sanitation, water conservation aru cleanliness promote kori bole launch korishe. Etu patriotism feeling uphold kori bole aru national flag hoist kori bole encourage kori ase.
Taikhan emphasise kori kina koise ke desh clean aru progressive rakhibole, sob citizen laka responsibility ase hygiene maintain, cleanliness rakhibo aru street, market place, institution, environment aru house clean rakhibo healthy nation aru healthy living nimite.
Resource person District Coordinator & IEC Consultant PHED Tuensang Division, Fairyson Sangtam, toilet maintenance laka subject te kotha koishe. Sanitation & Hygiene Consultant PHED Tuensang Division, T. Tsikingmong, waste management techniques (segregation aru composting) laka demonstration dikhai dishe.
Earlier, participants khan Har Ghar Tiranga Har Ghar Swachhata pledge loishe. Welcome address Vice Principal GHSS Longkhim, Sendongmenla Sangtam pora dishe aru invocation Graduate Teacher, Yangtsaliba Sangtam pora pronounce kori dishe. Programme tu students aru faculties khan attend korishe.
Add Comment