October 01, 2024, 05:10 PM : Itya chuli thaka Swachhata Hi Seva campaign 2024 laga part thaki kena, Bhandari sub-divisional administration para bhi Bhandari Town Council aru Bhandari Town Students’ Union logotey collaborate kuri kena, SBM drawing competition organize kurishey, itu “Cleanliness as nature , Cleanliness as culture” laga theme under tey, Bhandari Town under tey thaka School khan nimitey, 01st October, 2024 tey.
18 student khan participate kurishey, itu drawing competition tey, kotey DBHSS laga Tumchobemo Patton toh first position paishey. DBHSS laga Mungyanro aru DBHSS laga Rensali toh second aru third position paishey koishey. GHSS kaga Kiulemshu, GHSS laga Mark aru DBHSS laga Mhochoni para consolation prize khan paishey.
Itu event tey SDO Bhandari Arhomo Yanthan para tai laga khata speech tey, state kurishey ki, saph safai toh hoiley sob citizen khan laga duty aru responsibility asey aru itu nimitey tatey jama kuria manu khan sob ke itu town toh sapha rakhiboley laga tai para koishey. Bhandari Town Council Chairman para vote of thanks janaishey.
Add Comment