Swachhata Hi Seva conduct kurishey, Kisama tey

September 18, 2024, 04:00 PM: SWACHHATA Hi Seva 2024 laga part thaki kena, ekta cleanliness drive conduct kurishey, Kisama Naga Heritage Village tey para, 18th September 2024 tey. Itu campaign toh hoiley PHED, Kohima Rural/Urban Division para mili kena collaborate kurishey, Phesama village Council aru Kigwema village council logotey. Principal Secretary PHED, E. Mhonbemo Patton, IAS para tai laga key note address tey, importance thaka laga aru objective khan highlight kurishey itu Campaign laga aru koishey ki, kunba select kuri kena thaka area khan ke toh hoiley special attention dishey, kuntu khan majetey ekta toh Kisama asey. Tai para Phesama aru Kigwema village khan ke bhi acknowledge kurishey, cooperation, support nimitey aru agey sai asey, active para participate kuriboley, hornbill festival napuncha tak. Ekta Swachhata Pledge toh hoiley Lhousikhono Zinyu para initiate kurishey, aru Mass Shramdaan (plastic waste khan alag alag kuria laga) kurishey volunteer khan para. Chairman Village Council, Phesama, Bizo. M para vote of thanks janaishey. Itu program toh hoiley IEC & WASH Consultant PHED Kohima, Urban Division, Vibou Seyie para conduct kuria laga thakishey koishey.