Sweden de 8-sal maike bacha pora pre-viking sword paise

Agencies, 07 October: Southern Swedish lake 8-sal maike bacha Saga Vanecek pora pre-viking sword paise. The Local news website de Saga Vanecek pora janaide kena thaga toh, tai etu sword toh first lathi ase naki bhabise, hoilebe sword hoi paise koise. Etu sword toh 33 inches lamba aro black brow colour ase. Local Jonkoping county museum pora jani powah hesab deh etu sword toh fifth nahoile sixth century laga ase. Aro etu sword toh leather aro khuri pora ektum phalse bonaideya laga ase. Andy Vanecek’s Facebook post hesab deh, etu sword toh July 15 de powah laga ase. Hoilebe museum pora Saga aro tai laga khor manu logode powah toh lokai kena thakibole kowah thakise. Kelay koile archaeologists khan etu powah jaga de aro besaribo karni. Vidostern lake deh archaeologiest khan besaribo karni divers aro metal detectors jola thakise. Email deh Anders Kraft, archaeologist pora sword powah bechide tai khan 300-400 A.D time laga fibula paise koise.