Sweden para 4th Covid19 shot debo

Agencies, 04 April: Sweden para fourth Covid-19 dawai dose toh 65 omar aro opor nemite aro nursing homes nahoile home care pai thaka khan nemite recommend korise. Etu khobor toh authorities para Monday te janaishe. Notun guideline para omar te namise, agae te fourth shot nemite 80 omar aro opor khan ke recommend kora thakise. Recommend kora te be fourth shots toh 18-64 omar khan kon ke besi immune komti ase tai khan nemite meli kena ase. Agency chief Karin Tegmark Wisell  para etu laga maksaat toh Covid-19 para bemari aro mora te rokhabole nemite ase koise.