Agencies, 26 October: Thursday din Roger Federer toh Hermany laga khelari Jan-Lennard Struff logode 6-3, 7-5 score pora jeta thakise. Etu pora tai Swiss Indoors laga quarterfinals deh kushibole parise. Basel deh johnom powah top-seed Swiss toh third games time deh tai laga serve phangkai deya thakise. Hoilebe tai five games khela de ek-par be nahari kena 14th par final pongjibole parise. 37-sal khelari Federer toh next France laga khelari Gilles Simon logode khelibole ase. Gilles Simon toh Latvia laga khelari Ernests Gulbis logode 7-6 (4), 7-6 (0) pora jeti kena quarterfinals kusha laga ase. Second-seeded Alexander Zverev be Alexei Popyrin logode 6-4, 6-4 pora jeti kena last eight laga deh kushise. Hoilebe third-seeded Marin Cilic toh Marius Copil logode 7-5, 7-6 (2) score pora harise. Tusara khelari jeti kena thaga khan toh Stefanos Tsitsipas, Daniil Medvedev, Roberto Bautista Agut aro Taylor Fritz ase.
Swiss Indoors quarterfinals deh Federer kushise
Add Comment