Denmark, 13 May : Last year laga runner-up Switzerland Monday din United States ke 3-0 te harai dise aru Ice Hockey World Championship te Americans laga etiya laga first loss banai dise.
Group B laga match Herning te khela hoise junte Damien Riat, Jonas Siegenthaler aru Dean Kukan goal score korise. Switzerland laga goalkeeper Leonardo Genoni 23 shots stop kori shutout complete korise.
Riat first period te 7:14 baki thaka somoy te air pora puck redirect korike goal mark korise — itu United States laga tournament te first goal concede thakise. Tar pora 3:13 majote Siegenthaler blue line pora dusra goal marise. Last period laga majote Kukan left circle top pora third goal score korise.
Kevin Fiala, jun NHL playoffs first round te Los Angeles Kings eliminate howar pora Swiss team join korise, tai first match te ekta assist record korise.
U.S. goalie Joey Daccord 24 saves korise. United States laga first dui match te Denmark ke 5-0 aru Hungary ke 6-0 harai dise, aru Wednesday din Norway logot face koribo.
Stockholm te Austria penalty shootout te Slovakia ke 3-2 te haraise.
Defending champion Czech Republic later Monday din Herning te Denmark logot khelibo, aru Sweden Stockholm te rival Finland logot match thakibo.
Add Comment