December 1, 2024: Two-time Olympic medallist Sindhu para compatriot Unnati Hooda keh 21-12, 21-9 deh harai di shae. Aro Sen, kun 2011 World championships bronze medallist ase, tai para Japan laka Shogo Ogawa keh outplay kuri nah 21-8, 21-14 deh harai di shae. Final deh, Sindhu, kun ekta third title karne kitai ase, tai, China lak Wu Luo Yu keh face kuri bole ase, kun Thailand laka Lalinrat Chaiwan keh 21-19, 21-12 deh harai di shae. Sen tho Singapore laka fourth seed Jia Heng Jason The keh kile bole ase, kun para Indian second seed Priyanshu Rajawat keh 21-13, 21-19 deh harai di shae. World No.18 Sindhu para 70th ranked Hooda keh chance ekta b dia nai, kun taila role model lah against first time kili ase. 2022 Commonwealth Games Champion Sen tho all out jai shae, Ogawa keh 42 minutes deh harai di bole. Uttar Pradesh Badminton Academy hall deh crowd kan para Sen karne cheer kuri taki shae. Sen tho taila 68th ranked opponent laka against hotai control deh taki shae. Sindu b Hood laka hath para eman opposition b face kura nai.
Syed Modi International: Sindu, Sen kan final deh gusi shae
Add Comment