International

Syria kuishey ki Israeli para Damascus aro Aleppo dey taikhan laga airport dey hawaa laga bomb marishey.

October 12, 2023
2 Views
Syria, 12 October : Syrian state media para report kurishey ki Israel para hawaa laga bomb marishey Thursday dey kuntu para Syrian capital Damascus aro Aleppo laga northern sheher laga international airport dey marishey aro taikhan laga runways biya kuri dishey.
 
State news agency SANA para ekta naam nathakia military official ke quote kurishey kun kuishey ki itu attack dey kun bhi jokhum huanai.
 
Israeli military para comment kuriboley maana kurishey. Itu toh agey Israeli strikes huwo Syria dey militant Palestinian group Hamas para itu attack shuru kuria poche dey southern Israel dey.
 
Itu hawaa laga bomb toh Iran laga foreign minister Syria dey ahiwo thakia din agey dey marishey kun officials ke log pawoley thakishey itu jagah laga situation dey khota kuwoley.