Syria te ki hoishey?

Syria, 8 December 2024: Syrian rebel forces khan Damascus te gusi jaishey, etu time te report ahi ase ki President Bashar al-Assad toh country pra polai jaishey 13 saal civil war hoi kina. Prime Minister Mohammed al-Jaladi pra koishey tai tayar ase country te governance ke continue support kuribo leh. Islamist militant group Hayat Tahrir al-Sham (HTS) aro taikhan laka allied factions pra north-west te major offensive launch kuri kina 12 days par hwa pichideh etu hoishey. Rebels khan pra first Aleppo laka second country capture kuri shey aro enika hoina southwars highway nichi sweep kuri shey capital side te, Syrian military collapse hwa time te. Syria te kileh war ase?  Ekta peaceful, pro-democracy uprising Assad laka against te 2011 te, etu pra full-scale civil war hoi jaishey. Etu pra country ke khotom kuri shey aro regional, world powers khan tani shey. Half million koileh bishi manu ke murai dishey aro 12 million ke jobor josh ghor pra polabo dishey, five millions nishina khan toh bhar te refugees ase aro asylum bisari ase. Rebels laka offensive prior te, war toh khotom hwa nishina lagishey, Assad khan pra Syria laka bishi wala cities ke control te ana pichideh. Taikhan Russia, Iran aro Iranian-backed militias laka madat pra kurishey. Etu hoina frontlines toh bishi wala frozen hoishey. Hoileh b  country laka dangor parts khan toh echa b government laka control under te ase.