December 30, 2024, 04:45 PM: Itu Sirhima Youth & Students’ Union (SYSU) para tai khan laga Golden Jubilee celebrate kuri kena asey, 50 incredible saal mark kuri kena, growth aru service laga. Itu event toh hoiley, 29th December, 2024 tey loishey, itu “Half a Century: Towards a Limitless Future,” laga theme under tey, itu organization laga aspiration khan reflect kuri kena, ekta aru bhi bhal din nimitey.
Itu celebration tey toh hoiley durr para aha laga delegate khan para attend kurishey, ekta hosa laga special occasion banai di kena. Itu event laga highlight tey toh hoiley, L. Singsit, IPS (Retd.) para Jubilee laga Monolith toh unveil kurishey, kun toh hoiley Kuki Inpi Nagaland laga President asey
KBAN laga Youth Secretary – Rev. Lamkholun Singson para dedicatory prathana pronounce kurishey, Rev. David Vaiphei, ES KBAN para invocation aru obituary lead kurishey, aru SYSU laga Chairman – Seitinngam Singson para welcome note deliver kurishey.
L. Singsit, IPS (Retd.) kun para toh hoiley itu occasion tey Special Guest hisap buhi kena grace kurishey, tai para ekjon manu laga goal khan aru objective khan prioritize kuriboley laga importance emphasize kurishey, success achieve kuriboley.
Tai para itu youth khan ke encourage kurishey, dangor sapna paboley karney, aru itu sapna ke mehnat kuri kena aru bhal para bhabana kuri kena decision khan loi kena.
Itu Kuki Students’ Organisation, Nagaland (KSON) kaga President – Thangjamang tatey Guest of Honour buhi kena, Anniversary Souvenir release kurishey, aru itu youth leader khan ke urge kurishey, tai khan laga community ke morom para aru dedication para serve kuriboley karney.
Add Comment