AGENCIES: Star Bangladesh all-rounder Shakib Al Hasan toh etia jai thaka T20 World Cup te nathakibo etu bi haath te jhokom paa para bhal nahua niemte alag alag reports Sunday din te koikena janaidya thakishe.
Etu 34 umar veteran toh tournament te bhal thakanai etu bi bat bhal kuribole napari aro etia tak duita wickets hi loishe.
Tai toh etu haath te jhokom paa para wapas ahanai tai paa toh west indies laga khilaaf khela te. ‘ESPNcricinfo’ para koikena janaidiya thakishe.
Bangladesh-based website ‘bdcrictime’ para koikena janaishe ekta nam najana team source koikena janaishe shakib toh USA te tai laga ghor manu logote jabo.
“Shakib’s jhokom paa toh bhal huwanai tai toh dusra duita matches te nekhelibo shakib toh team hotel aha kahi jabo nohoile dusra dinnlaga match pichede.tai toh tai laga ghor manu logote jabo usa te. Source para website te kuwa te koikena janaidiya thakishe.
Tai etu jhokom paa toh Friday din te thaikishe kuntu toh Bangladesh toh west indies logote tinta runs para harishe.
Bangladesh toh South Africa November 2, etu pichede Australia November 4 te khelibo.etu duita matches bi yete khelibo.
Tai khan etia group 1 laga sobse nichete ase etu bi tai khan etia tak khela tinta match hara pichede.
Add Comment