June 22, 2024: Indian table tennis karne etu tho ekta yat taka din taki bo. Total satha Indian players kan World Table Tennis (WTT) Contender tournament karne qualify hui shae. Tateh para ekta tho women’s single final deh ase, women’s double finals deh tuita pari b aro ekta tho men’s double final deh. Players kan kun bah ekdum intense match kan jiti bole pari shae, hoile b sobse impressive victory tho Sutirtha Mukherjee lokot taki shae, kun para World no, 8 aro teenage South Korea sensation Shin Yubin keh 3-2 (11-9, 3-11, 0-11, 11-9, 11-6) deh harai di shae, women’s single event laka quarter finals deh. Tai hoile b piche deh, compatriot Sreeja Akula laka against hari shae, semi final deh. Indian contingent kan first time karne ekta WTT tournament karne compete kuri ase, recently appoint hua coach Massimo Costantini laka pitor deh. Italian para The Indian Express keh, tai, India keh Asia top 3 deh ani bole aim kuri ase kui shae ari Lagos deh taka tournament tho ekta promising shuru ase. Etu tho India karne historic b ase, kile koile Indian manu ekjun, ekta WTT contender event laka women’s single final deh kile bole first time ase.
Table Tennis: Satha Indians kan WTT Contender finals deh ase
Add Comment