Delhi, 10 April 2025: Tahawwur Rana, 26/11 Mumbai hamla plan kura manu, taike India te ani ase United States pra extradite kura pichideh. Aro sop arrangements khan kuri ase kila lapses hoileh b avoid kuribo leh security te. Ekta special flight Rana ke bhukhi thaka expect kuri ase New Delhi te land hubo leh Thursday din saam te. Rana ke National Investigation Agency (NIA) laka headquarters te loi jabo ase tadeh interrogation cell khan tayar kuri kina ase tai karne. Khali 12 members investigation ke related access ase etu cell te, DG NIA Sadanand Date, IG Ashish Batra, DIG Jaya Roy milai kina. Kun hoileh b visit kuribo mon ase koileh, taikhan prior permission lage.
Sources khan pra India Today ke koishey interrogation time te, Rana ke critical evidence dikhabo 26/11 Mumbai hamla ke linked thaka. Recorded voice samples, photo, videos, aro emails khan milai kina. Etu saman khan jama kura investigation pra expect kuri ase ekta important role play kuribo leh deals khan khulibo leh Rana’s involvement laka Pakistani-American terrorist David Coleman Headley lokot. Aro tai laka connections Pakistani army aro Inter-services intelligence (ISI) lokot.
Tahawwur Rana, kun ke key figure bhabi ase 26/11 conspiracy laka, taike pressed b kuribo details nimite tai laka interaction laka Sajid Mir, Pakistani terrorist lokot. Kun reportedly India te thaki shey scout karne 2008 mumbai hamla karne. Rana ke accused kuri shey NIA khan pra reconnaissance toh facilitate kura karne hamla nimite vis tai laka immigration consultancy business. Etu reconnaissance toh Pakistani American David Coleman Headley pra kuri shey, kun echa US jail te ase. Investigators khan particularly Rana laka extensive communication Headley lokot te focused ase, kun India bishi bar ahishey 2006 aro 2008 te.
Add Comment