November 3, 2024: 2021 deh separate hua piche deh Aamir Khan aro Kiran Rai tho Azar Rao Khan keh co-parent kuri nah ahi ase. Hoile b taila baba, Amir tho taila bacha keh kiman sai ase? Kiran Rao para Kareena Kapoor laka chat show What Women Want deh ahi nah share kuri shae. Tai para process tho recent years deh aram hui shae kui shae. Hoile b Amir tho Azad laka school deh dur taki bo mun jai kui shae. Show time deh, Kareena para Kiran keh Amir lokot deh co-parenting kura tho kinaka ase hudi shae. Tai para etu kui shae,” Bishi tricky ase. Tai tho bishi busy baba ase. Mukan sathi taka time deh b, mui heh actual primary parenting kuri taki shae. Mukan separate hui nah divorce kura piche deh, Amir b Azad laka life deh kiman ahi bole lakeh, etu jani jai shae pareh muila papna deh. Hoile b Azad karne time ban abo leh, itia tho ekta conscious decision hui jai shae. “Itia tho bishi aram ase aro Aamir b taila life deh tho ase. Luck bhal taka karne, mukan upstairs aro downstairs ase. Hoile b mukan chara time deh, mukan eman dur nataki bo. Aamir tho khali school laka heh eku najaneh. Mui lal papna deh etu tho bishi wak baba kan laka problem ase. Taikan hotai etu kui,’ Mukan keh school-related activities deh nagusabi, mukan alak kan tho sai lubo’,” tai para kui shae.
Taila bacha Azad laka school deh eku najaneh, ex-wife Kiran Rao para kui shae
Add Comment