October 11, 2024: Kanye West aro legal jamala deh pasi nah ase. Etu par tho tai ekta lawsuit face kuri ase, tai ekta private investigator keh hire kuri nah taila maike, Bianca Censori aro Kardashians keh spy kura karne. Anonymous plaintiff tho ekta former “Director of Intelligence” ase West karne. Tai para rapper, taike order kuri shae kui shae, tuita maike keh investigate kuri taki bole.
Lawsuit para utu mota laka allegations b detail kuri shae kuto natera salary aro emotional duk karne taki shae. Enaka hua time deh, Ye aro Bianca divorce hobo leh ase kui nah report b ahi ase.
October 10 din deh ekta nutun court documents para Kanye West tho fixer keh tera bole para nai kui nah janai di shae. Tai para fixer keh first tho ekta campaign manager hobo leh hire kuri shae, taila presidential run karne.
Fixer para West, taike hire kuri shae kui shae, Bianca keh investigate kuri bole. Sah isap deh Bianca, ekla trip kan deh jah time deh taike kitai shae pareh.
Report isap deh, khali taila maike keh heh nahoi nah, West para taike taila puila maike aro taila kandan keh b investigate kuri bole hudi shae. Ye para taikan lokot deh xex trafficking nishi nah criminal enterprises kan taki shae kui nah biswas deh taki shae, TMZ laka report isap deh.
Add Comment